Páxinas

luns, 19 de xaneiro de 2015

Coser cousas raras III: Reutilizando

Hoxe vouvos amosar dúas parvadas rápidas feitas reutilizando.

O primeiro foi un estoxo que fixen cun plástico que mercara hai anos para unha pizarra e que non resultou, e co último resto que quedaba do pantalón de pana que me fixera miña avoa e que usei para recompoñer aquel chaleque do Moucho: a cremalleira. Fíxeno xusto antes de marchar da casa uns días e con virus rondándonos. Quería algo para meter os medicamentos, que por sorte, como non os utilizamos nada a miudo, sempre os deixamos na casa. Non me quedou moi grande, así que quedou máis ben para os cepillos e o termómetro, que ían metidos ó chou no neceser.

estoxo cepillos

bolsa cepillos

A outra foi unha bolsiña que fixen esta mesma mañá. No Nadal os maiores tivemos tamén un xogo de agasallo, necesita que se usen marcadores, pero non os trae na caixa. De momento só conseguimos xogar unha vez, e a pesar de estar nunha cociña non atopabamos nada que non rodara pola mesa, así que fun a unha tenda multiprecio e merquei unhas fichas. Hoxe pola mañá na casa collín un resto de tea dunha camisa e unhas cintas desas que lles poñen ás camisolas babosas das tendas para que non se lles escorran das perchas, e lista unha bolsiña para os marcadores que cabe dentro da caixa. Así non deixamos ó azar o tema dos marcadores a vindeira vez que os astros estean en liña e poidamos volver xogar os adultos ;P

bolsa munchkin
bolsa munchkin
munchkin

2 comentarios:

  1. estas pequenas coisas sao muito úteis, al final em casa sempre estou buscando bolsinhas para guardar os brinquedos pequenos, bolsinhas para mini peças que fican jogadas por todos os cantos. e que te digo das bolsinhas de plástico, bah, um vicio, sempre costuro alguma delas ainda que sao chatas de costurar. olha, sempre que leio "da tartaruga¨ lembro da tartaruga, agora ia bem ter uma delas para "podar" a selva do estanque!!! ajjajjaj meus peixinhos estao grandes grandes! abraço

    ResponderEliminar
    Respostas
    1. A nosa tartaruga finalmente morreu o ano pasado, se non iría gustosa comer as plantas e os pixiños todos! ;)
      Onte aínda fixen unha bolsiña máis, é certo que son o que máis se usa, para todo :)

      Eliminar

E ti que dis?