Páxinas

venres, 14 de novembro de 2014

Raias

E unha nova, de raias.
Este patrón ten un fallo que xa constatara ó coser as anteriores camisolas e é que, polo menos no talle 2, as mangas son máis grandes que a sisa do cropo, así que nas anteriores simplemente as fixen máis estreitas na sisa para que cadraran, pero desta vez, que vin que a tea era moi elástica, dixen eu: "igual é que está feita para estirar a tea... como é unha camiseta apretadiña, pois seguro que o patrón pide tea de punto con elastano e por iso non cadran". Bueno, pois agora xa sei que non, que non cadran porque está mal, e que non se poden estirar as teas para facelas cadrar porque volean.

Ademáis quedoume un pouco longa nas mangas, pero deime conta cando estaba cosendo o segundo puño, de que non cortara o borde da tea, así que deben ter polo menos centímetro e medio máis do que lles corresponde...

Por que teño tan poucas veces a sensación de que algo quedou BEN? Sempre hai algún fallo nalgures.

a raias

a raias

a raias

Aquí tedes ó B. facendo unha das cousas mellores do mundo mundial, que é saltar na cama mentres eu intento facela, porque si, mamá, logo de 8 anos sen facer a cama, dende que no verán decidín que as nenas se responsabilizasen de facer cadansúa, eu non tiven máis remedio que dar exemplo. E iso é que nos pasa ás nais e que fai que ás veces parezamos moi responsables a ollos d@s fill@s.
E a súa verdadeira mellor cousa do mundo mundial que é: meterse no oco que hai entre os dous colchóns que temos pegados :)

Pero non todo é malo, dúas cousas que me gustan da camisola: como se xuntan as raias nos ombreiros, e ese punto de zigzag enorme no baixo.

a raias

a raias

A tea merqueina en telas.es aproveitando que pedía para un encargo, e pensando facer unhas mallas para min, pero é tea de camiseta, e aínda non teño moi claro que vaia usala para iso porque non me parece que sexa resistente abondo.
Os puños son dun retalliño que teño de hai anos dando voltas pola casa.
O patrón é de novo a flashback skinny tee en talle 2.

2 comentarios:

  1. Hola! No conocia tu blog! Curioso lo que dices del patron , no me acuerdo si he cosido la talla 2, pero la 3 fijo y me salio bien! Ya probaste el patron de 4 en la carretera? Es gratuito . De cualquier manera el peke esta muy chulo!

    ResponderEliminar
    Respostas
    1. Pois non o probei, non sabía que era de balde e como teño estes xa calcados (que é o que máis galvana me dá... este patrón e o teu da raglán son os meus patróns base para camisetas.

      Eliminar

E ti que dis?