Páxinas

xoves, 5 de marzo de 2015

Lagarto lagarto

Un día achegueime ó centro comercial entregar un paquete e, a perdición dos centros comerciais, paseime mirar se había algo interesante nas rebaixas. Total, que do que ía buscando non había nada, pero namoreime dunha chaqueta de dinosauro que por riba non estaba rebaixada e cheguei a casa con ela. E entón veu a culpa: "Xa te vale! Sen ser de rebaixas, de sudadeira sintética que dá grima tocala, e por riba na casa tés xusto sudadeira en dous verdes, igual que a chaqueta." Devolvina.

E fusileina.

Fixen unha copia cun patrón da Ottobre.

dinosauro
dinosauro
dinosauro
dinosauro

Cousas:
- usei por primeira vez para recubrir as costuras o punto que parece celdas dun panal e encántame como queda, non ondulou e queda bastante uniforme.
- teño que praticar coas cremalleiras: aprendín que non é necesario deixar marxe de costura no centro dianteiro porque o que lle comes á dianteira ocúpao a cremalleira e se o deixas (como fixen eu) o pescozo queda abertísimo, por riba quedoume moi exposta e o remate arriba pódese mellorar bastante.
- a crista do dinosauro queda ladeada porque non cortei a tea en curva (porque non me quedaba apenas tea!)
- para os ollos, os dentes, e o forro da carapucha usei camisetas na sección de recliclaxe do armario das teas (si, teño un armario das teas, sigh).
- o cordón da carapucha é dos restos de trapillo que andan por casa.

O patrón é o 16 da ottobre 1/2014, a do lagarto, agora non a teño a man e non sei o nome.
As teas de sudadeira son os restos dos vestidos das nenas, sudadeira da pantigana, e os puños tamén.
Teño que comprobar o talle que fixen, xuraría que o 92, pero as mangas son xustas e a carapucha enorme, pero a el encántalle porque lle tapa o sol (agora a ver se sae moito para sacarlle partido ;) )

Remateina xa antes do entroido, na semana da KCW, pero non me deu tempo a facerlle fotos (e as de hoxe tampouco son moi alá para que a vexades, pero é o que hai) así que tráiovola agora.

E esta foto de regalo para que vexades o limpo que está habitualmente este cristal da nosa casa e vos sintades ben, ale :D

dinosauro

2 comentarios:

  1. Ai que mono esta o teu peque! Isso de deixar margem no zipper, ejjj, sempre deixo, nao noto que a abertura fique grande, no final dela você pode por un pedazo de tecido dobrado para cobrir o carro do zipper . Sobre os cristais ...melhor nem comento :)

    ResponderEliminar
  2. Ai, como entendo eses arrebatos de compras innecesarias! E por riba, case sempre, ao non ser reflexionadas, ao chegar a casa nos decatamos dos defectos que teñen. Menos mal que existen as devolucións!

    ResponderEliminar

E ti que dis?